Shyǵys Qazaqstan oblysynda aýyl ákimderin sailaý qorytyndysy jariialandy, dep habarlaidy "Ult aqparat".
25 shildede Shyǵys Qazaqstanda 77 sailaý okrýgi boiynsha aýyl, kent jáne aýyldyq okrýg ákimderiniń sailaýy ótti. Oblystyq sailaý komissiiasynyń tóraǵasy Ersaiyn Nábievtiń aitýynsha, okrýgtar boiynsha sailaýshylar tizimine 111 myńnan astam adam engizilgen. Daýys berýge 101 myńnan astam adam nemese 90,9 paiyzy qatysty. Ákim laýazymyna úmitkerler arasynda 232 adam bolǵan. Barlyq 77 sailaý okrýginde ákimder sailandy.
«Onyń ishinde 60 adamdy Nur Otan partiiasy, 11 adamdy «Aýyl» halyqtyq-demokratiialyq patriottyq partiiasy, 2 adamdy Adal partiiasy jáne Qazaqstannyń «Aq jol» demokratiialyq partiiasy men Qazaqstannyń Halyq partiiasy bir-bir adamnan usyndy. Budan basqa, ózin-ózi usyný arqyly eki adam sailandy», - dedi Ersaiyn Nábiev.
Aýyl, kent jáne aýyldyq okrýg ákimderin sailaý qorytyndylary týraly habarlamalar aýdandyq sailaý komissiialarynyń internet-paraqshalaryna jariialanǵan.
