Shet memleketterde turatyn qandastardy elge qaitarýdyń tujyrymdamasy ázirlenip jatyr. Bul týraly «Otandastar qory» KEAQ vitse-prezidenti Maǵaýiia Sarbasov málim etti, dep habarlaidy QazAqparat.
«Memleket basshysy biylǵy Joldaýynda qandastardyń kóshi-qon saiasatynyń tujyrymdamasyn ázirleý týraly tapsyrma berdi. Qolǵa alynǵan 2022-2026 jyldarǵa arnalǵan jańa tujyrymdamada sheteldegi qandastarmen áleýmettik jáne bilim berý salasy boiynsha jumystardy jandandyrý mindeti tur. Jáne de sheteldegi qazaq diasporalarymen mádeni bailanysty ilgeriletý jospary tur.
Jalpy táýelsizdik alǵaly sheteldegi qandastar máselesi únemi nazarda, bul baǵytta memleket tarapynan tiisti qoldaý jasalyp jatyr.
Bizdiń qordyń negizgi 4 jumys baǵyty bar. Aldymen, syrttaǵy qandastardyń ulttyq biregeiligin saqtaý. Elge kelgen qandastarymyzdyń otanyna beiimdelýine jaǵdai jasaý. Úshinshiden, sheteldegi qandastardy elge qaitarý máselesine taldaý júrgizý iaǵni zertteý. Tórtinshi baǵyt – sheteldegi qandastarmen ásirese jastarmen bailanys ornatý», - dedi Maǵaýiia Sarbasov.
Buǵan deiin «Otandastar qorynyń» vitse-prezidenti sheteldegi 1 millionǵa jýyq qandasymyz elge kóship kelýge niet ekenin jetkizdi.
