QR Úkimetiniń janyndaǵy koronavirýsty taratpaý jónindegi vedomstvoaralyq komissiia memlekettik shekaradan kirip-shyǵýdyń sharttaryn jeńildetti.
Bul týraly QR Ulttyq qaýipsizdik komiteti Shekara qyzmeti habarlady, dep jazady QazAqparat.
«COVID-19 pandemiiasyna bailanysty memlekettik shekarany kesip ótýdegi shekteýler jalǵasady. 2021 jyldyń 13 qazanynda Qazaqstan Úkimetiniń janyndaǵy koronavirýsty taratpaý jónindegi vedomstvoaralyq komissiia karantin shekteýleri kezeńinde memlekettik shekarany kesip ótýdiń jańa tártibin bekitti. Bul qujatpen knb.gov.kz internet resýrsynyń jáne resmi kanaldardyń «Paidaly siltemeler» bóliminen oqyp tanysýǵa bolady», - deligen shekara qyzmetiniń Instagram paraqshasynda.
Jańa erejede el aýmaǵynan syrtqa shyǵýdyń tártibi jeńildetildi. Otbasy múshesiniń nemese jaqyn týysynyń qazasyna, qatty aýyryp jatqan týysqanyn kórýge shyqqan bolsa, Qazaqstan azamaty shekarany jubaiymen jáne kámeleketke tolmaǵan balasymen birge kesip óte alady. Biraq bara jatqan týysqany men onyń arasynda erli-zaiyptylyq, ata-ana men bala, asyrap alǵan nemese asyrap alynǵan týysqandyq, tolyqqandy nemese jartylai aǵaiyndylyq, ata-áje men nemere siiaqty týystyq qatynasy bolýy kerek.
