«Shańyraq» ilki jobasyna qatysýshylarǵa kredit berý úshin 210 mlrd teńge bólinedi. Bul týraly QR Indýstriia jáne infraqurylymdyq damý ministrliginen málim etti, dep habarlaidy "Ult aqparat".
«Memleket basshysy Qasym-Jomart Toqaev Tótenshe jaǵdai jónindegi memlekettik komissiianyń 11 mamyrdaǵy qorytyndy otyrysynda atap ótkendei, «5-10-20» nesielik turǵyn úimen qamtamasyz etý boiynsha jańa joba iske qosylady. Azamattardyń suranysyn qoldaý jáne «Shańyraq» ilki jobasyna qatysýshylarǵa kredit berý úshin «Báiterek» UBH» AQ Qazaqstan Respýblikasynyń Ulttyq bankinen alynǵan obligatsiialyq qaryz aiasynda Qazaqstannyń turǵyn úi qurylys jinaq bankine 210 mlrd teńge bóledi», - delingen ministrliktiń Telegram paraqshasynda jariialanǵan aqparatta.
«Shańyraq» ilki jobasynyń qatysýshylary Qazaqstan Respýblikasynyń «Turǵyn úi qatynastary týraly» Zańyna sáikes turǵyn úige muqtajdar esebinde turǵan azamattar (budan ári - JAO-da kezekte turǵan adamdar) bola alady.
Qatysýshylarǵa qoiylatyn negizgi talaptar:
Qazaqstan Respýblikasynyń azamattyǵy; otbasynyń árbir múshesine sońǵy 6 (alty) ai úshin eńbek jáne (nemese) kásipkerlik qyzmetten (zeinetaqy aýdarymdaryn, jeke tabys salyǵyn jáne ózge de mindetti aýdarymdardy esepke almaǵanda) tiisti qarjy jylyna arnalǵan respýblikalyq biýdjet týraly zańda bekitilgen eń tómengi kúnkóris deńgeiiniń 3,1 eselengen shamasyn qosa alǵanda, tabystyń bolýy;
JAO Qazaqstan Respýblikasynyń «Turǵyn úi qatynastary týraly» Zańyna sáikes turǵyn úige muqtaj mártebesin jáne turǵyn úige muqtaj retinde esepke qoiýdy rastaýy;
tólem qabilettiligin rastaý.
