Shamalǵan stantsiiasyndaǵy apat saldarynan zardap shekken úsh naiqastyń jaǵdaiy áli de aýyr, dep habarlaidy "Ult aqparat" oblystyq densaýlyq saqtaý basqaramasyna silteme jasap.
Qazir zardap shekken úsh naýqas Qarasai aýdandyq ortalyq aýrýhanasynyń jansaqtaý bóliminde jatyr.
«2014 jáne 2016 jyly týylǵan balalar jáne 33 jasar áieldiń jaǵdaiy ózgerissiz qalyp otyr. Úsheýiniń de jaǵdaiy aýyr. 2016 jylǵy naýqastyń miy aýyr dárejede zaqymdanǵan. Keýde qýysynyń jabyq jaraqatyn alǵan. Sol jaq ókpesi soǵylǵan. Komanyń 2-3 dárejesi. Al 2014 jylǵy naýqastyń diagnozy, midyń aýyr dárejedegi zaqymdanýy. Oń jaq-samai súieginiń synýy. Oń jaq sýbdýraldy gematoma. Koma 2-3. Al 1986 jylǵy naýqastyń da jaǵdaiy aýyr. Oǵan qoiylǵan diagonoz: aralas jaraqat. Midyń shaiqalýy. Oń jaq iyq súieginiń tómengi úshten bir bóliginiń jabyq fragmentti synyǵy anyqtalǵan. 1-shi dárejedegi travmatikalyq shok alǵan», delingen atalǵan vedomstvonyń taratqan aqparatynda.
Baspasóz qyzmeti bergen málimetke sáikes, 15 qyrkúiek kúni saǵat 19: 26 - da jedel járdem stansasynda jolaýshylar avtobýsy men poiyz soqtyǵysýy týraly habarlama kelip túsken. Oqiǵa ornyna 15 minýtta 9 jedel járdem kóligi kelgen. 1979 jyly týǵan er adam oqiǵa ornynda kóz jumdy.
Esterińizge sala keteiik, 15 qyrkúiek kúni Shamalǵan stantsiiasynda poiyz ben avtobýs soqtyǵysty. Aldyn-ala boljam boiynsha, jolaýshylar avtobýsy temir joldyń relsine shyǵyp ketken. Oqiǵa ornynda avtobýs júrgizýshisi mert bolyp, taǵy 3 adam Qarasai aýdandyq aýrýhanasynyń jansaqtaý bóliminde jatyr. Onyń ekeýi - bala. Qazir atalǵan fakti boiynsha QR QK 345-babynyń 3-tarmaǵy boiynsha is qozǵalyp, tergeý júrip jatyr. Istiń tergelýin Bas kóliktik prokýratýra óz baqylaýyna aldy. QR Prezidenti Qasym-Jomart Toqaev poezd ben avtobýs soqtyǵysynan japa shekkenderdiń týǵan-týystaryna kóńil aitty.
