Shalǵaidaǵy eldi mekenderdiń oqýshylary 4-toqsandy mektepte oqýǵa múmkindikteri bar. Bul týraly Ortalyq kommýnikatsiialar qyzmetindegi brifingte QR Bilim jáne ǵylym ministri Ashat Aimaǵambetov aitty, dep habarlaidy "Ult aqparat".
«Bizde shaǵyn jinaqtalǵan, ásirese, shalǵaidaǵy, óte alystaǵy eldi mekenderdegi mektepter bar. Olarda bala sany óte az. 20, 40, 50 bala bilim alady. Biraq úlken mektepter. Osy mektepter boiynsha qazirgi ýaqytta tiisti sheshim qabyldadyq. Árine, epidemiologiialyq jaǵdaiǵa bailanysty áli de sheshimdi qarap, kerek bolsa túzetemiz. Biraq, respýblika boiynsha osyndai mektepterdiń tizimin anyqtadyq jáne osy mektepterde qazirgi ýaqytta tiisti karantindik sharalar qabyldanatyn bolsa, onda sol mektepter ózderiniń dástúrli formatynda jumysyn jalǵastyra berýge múmkindikteri bar», - ol.
Biraq, ministrdiń aitýynsha, mundai mektepterde sabaq ótkizý ýaqyty 30 minýtqa qysqartylady. Sonymen qatar oqýshylar eki aýysymmen bilim alady.
