Qazgidromet 24 tamyzǵa arnalǵan aýa raiy boljamyn jariialady, dep habarlaidy "Ult aqparat".
Antitsiklon jotasynyń áserinen Qazaqstan territoriiasynyń basym bóliginde jaýyn-shashynsyz aýa raiy saqtalady. Tek soltústik-shyǵys jáne ońtústik-shyǵysta atmosferalyq frontaldy bólikterdiń ótýimen naizaǵaimen jańbyr jaýady. Respýblika boiynsha jeldiń kúsheiýi, ońtústikte shańdy daýylmen, ońtústik pen ońtústik-shyǵystyń taýly aýdandarynda burshaq kútiledi.
Jambyl oblysynyń soltústik-shyǵysynda, ońtústiginde jáne ońtústik-batysynda, taýly aýdandarda naizaǵai, burshaq kútiledi, naizaǵai kezinde jel 15-20 m/s kúsheiedi.
Túrkistan oblysynyń taýlarynda kúndiz naizaǵai kútiledi, taýly aýdandarda jáne batysynda jel 15-20 m/s kúsheiedi, batysynda shańdy daýylmen.
Batys Qazaqstan oblysynda kúndiz batysta, soltústik-batysta naizaǵai kútiledi, oblystyń batysynda, soltústik-batysynda jel 15-20 m/s kúsheiedi. Kúndiz Aqmola oblysynyń ońtústik-shyǵysynda, Almaty oblysynyń taýly aýdandarynda naizaǵai kútiledi, naizaǵai kezinde jel 15-20 m/s kúsheiedi.
Kúndiz Pavlodar oblysynyń batysynda naizaǵai kútiledi, oblystyń ońtústigi men batysynda jel 15-20 m/s kúsheiedi. Qaraǵandy oblysynyń soltústiginde, shyǵysynda jáne ortalyǵynda jel 15-20 m/s kúsheiedi. Túnde jáne tańerteń Soltústik Qazaqstan oblysynyń ońtústik-batysynda, Mańǵystaý oblysynyń jaǵalaýyna tuman túsedi.
Kúndiz Atyraý, Batys Qazaqstan, Aqtóbe, Qostanai, Soltústik Qazaqstan oblystarynyń basym bóliginde, Mańǵystaý oblysynyń ońtústiginde qatty ystyq bolady.
Mańǵystaý, Batys Qazaqstan, Atyraý, Aqtóbe, Qyzylorda, Túrkistan, Jambyl oblystarynda, Almaty, Qaraǵandy oblystarynyń ońtústik-batysynda, Qostanai, Soltústik Qazaqstan, Shyǵys Qazaqstan oblystarynyń ońtústiginde, Aqmola oblysynyń ońtústik-batysynda tótenshe órt qaýpi saqtalady.
