Sport jáne dene shynyqtyrý komitetiniń tóraǵasy qyzmetinen bosatylǵan Serik Sápiev Dinara Sátjanǵa bergen ekskliýziv suhbatynda jańa jumys ornyn atady, - dep habarlaidy Tengrinews.kz agenttigi.
"Ulttyq Olimpiada komitetinde jumys isteimin dep aita alamyn", - dedi bokstan 2012 jylǵy Olimpiada chempiony.
Ol komitette qandai laýazymǵa taǵaiyndalatynyn naqty aitqan joq.
Halyqaralyq olimpiada komitetinde jumys istegińiz kele me degen suraqqa Sapiev "oilanýǵa bolady" dep jaýap berdi.
"Ol týraly oilamadym. Biraq jalpy alǵanda, halyqaralyq uiymda jumys isteý eldiń mártebesin, halyqaralyq uiymda jumys isteitin adamnyń mártebesin kóteredi. Nege bolmasyn, oilanýǵa bolady", - dedi ol.
Sápiev 2019 jyldyń 30 qańtarynan bastap Qazaqstan Mádeniet jáne sport ministrligi Sport jáne dene shynyqtyrý komitetin basqardy. 19 qazanda Sápiev qyzmetinen óz erkimen ketkeni belgili boldy.
