Foto: Aqerke Dáýrenbekqyzy/Kazinform
Soltústik Qazaqstan oblysynyń birneshe aýdany men Petropavlda Esil ózeniniń sýy tasidy dep boljanǵan, - dep habarlaidy «Ult aqparat» Kazinform-ǵa silteme jasap.
«Soltústik Qazaqstan oblysynda 19 gidrologiialyq beket jumys isteidi. Qazir sý tasqynyna bailanysty monitoringti jiilettik. Óńirdegi gidrologiialyq jaǵdaiǵa kelsek, shaǵyn Aqanburlyq, Babyqburlyq, Sharyq ózenderi deńgeiiniń turaqty tómendeýi baiqalady. Bul ózenderde sýdyń tasý deńgeii shegine jetti dep aita alamyz. Sonymen qatar Toqsan bi gidrologiialyq beketinde de tómendeý bar, al Sergeevka sý qoimasynda sýdyń 418 sm-ge kóterilgeni baiqalady, sýdyń kóterilýi 400-430 sm-ge jetedi dep boljanǵan. Aldaǵy táýlikte birinshi tolqyn ótedi dep kútilýde. Sý aǵyny Shal aqyn, Esil, Qyzyljar aýdany jáne Petropavl qalasy arqyly ótedi», - dedi «Qazgidromet» RMK SQO filialynyń direktory Qymbat Merǵalimova.
Onyń aitýynsha, qazir atalǵan aýdandar men Petropavlda birinshi tolqynnyń qaýipti belgileri men ýaqyty anyqtaldy.
«Esil aýdanynda sýdyń tasý shegi 14 cáýirde, Qyzyljarda 21 sáýirde, Petropavlǵa Sergeevka sý qoimasynan tasqyn 12-14 sáýirde kele bastap, 23 sáýirde sharyqtaý shegine jetedi», - deidi filial direktory.
