Qazgidromet 21 tamyzǵa arnalǵan aýa raiy boljamyn jariialady, dep habarlaidy "Ult aqparat".
Qazaqstan aýmaǵynyń basym bóliginde burynǵysynsha antitsiklon áserinen jaýyn-shashynsyz aýa raiy kútiledi.
Tek ońtústik-shyǵysynda jáne ońtústiginde taýly aýdandarynda atmosferalyq frontaldy bólikterdiń ótýimen jańbyr jaýady, naizaǵai bolady. Respýblika boiynsha jeldiń kúsheiiýi, ońtústikte shańdy daýyl, ońtústik-shyǵysynda burshaq kútiledi.
Kúndiz Jambyl oblysynyń taýly jáne taý bókterindegi aýdandarda naizaǵai, burshaq kútiledi, oblystyń soltústik-shyǵysynda shańdy daýyl, oblystyń soltústik-shyǵysynda jáne ońtústik-batysynda jel 15-20 m/s kúsheiedi.
Kúndiz Almaty oblysynyń taýly aýdandarynda naizaǵai kútiledi, oblystyń soltústik-shyǵysynda jel 15-20 m/s kúsheiedi. Túrkistan oblysynyń batysynda shańdy daýyl kútiledi, taýly aýdandarynda jáne batysynda jel 15-20, kúndiz ekpini 25 m/s kúsheiedi, kúndiz taýly aýdandarynda naizaǵai bolady.
Qyzylorda oblysynyń ońtústik–shyǵysynda jáne ońtústiginde jel 15-20 m/s kúsheiedi, kúndiz shańdy daýyl kútiledi. Qaraǵandy oblysynyń ońtústiginde, Shyǵys Qazaqstan oblysynyń taýly aýdandarynda jáne ońtústik-batysynda, kúndiz Batys Qazaqstan oblysynyń ońtústik-batysynda jel 15-20 m/s kúsheiedi.
Kúndiz Atyraý, Batys Qazaqstan, Aqtóbe oblystarynda qatty ystyq saqtalady, Mańǵystaý, Qostanai oblystarynyń ońtústiginde qatty ystyq saqtalady, Aqmola oblysynyń ońtústik-batysynda qatty ystyq bolady.
Mańǵystaý, Batys Qazaqstan oblysy, Atyraý, Aqtóbe, Qyzylorda, Túrkistan, Jambyl, Almaty oblystarynyń basym bóliginde, Qaraǵandy oblysynyń batysynda, Qostanai, Aqmola, Shyǵys Qazaqstan oblystarynyń ońtústiginde tótenshe órt qaýpi saqtalady.
