Senbi kúni elimizdiń basym bóliginde kún ashyq, tek shyǵys pen ońtústik-shyǵysta jel kúsheiip, jaýyn jaýady, dep habarlaidy "Ult aqparat" Qazgidrometke silteme jasap.
Sinoptikterdiń boljaýynsha, 14 tamyzda elimizdiń basym bóligi antitsiklonnyń yqpalynda bolǵandyqtan jaýyn-shashyn bolmaidy, tek shyǵysta jáne ońtústik-shyǵysta atmosferalyq aǵyndar ótetindikten naizaǵai oinap, jaýyn jaýýy yqtmal. Elimizdiń ońtústik-shyǵysynyń kei jerlerinde nóser ańbyr jaýady, kei jerlerinde burshaq jaýyp, daýyl soǵady, jel kúsheiedi. Elimizdiń kei jerlerinde tuman túsip, ońtústikte jáne batysta shańdy daýyl soǵady.
Shyǵys Qazaqstan oblysynyń kei jerlerinde naizaǵai oinap, burshaq jaýady, daýyl soǵýy múmkin, jel 15-20 m/s kúsheiedi.
Jambyl oblysynyń kei jerlerinde naizaǵai oinap, burshaq jaýady, daýyl soǵýy múmkin, jel 15-20 m/s kúsheiedi.
Almaty oblysynyń kei jerlerinde naizaǵai oinap, burshaq jaýýy múmkin, jel 15-20 m/s kúsheiedi, ekpini jetedi.
Qaraǵandy oblysynyń kei jerlerinde naizaǵai jarqyldaidy, kúndiz kei jerlerde jel 15-20 m/s kúsheiedi.
Túrkistan, Mańǵystaý oblystarynyń, kúndiz Qyzylorda oblysynyń kei jerlerinde jel 15-20 m/s kúsheiedi.
Túnde jáne tańerteń Aqmola, Soltústik Qazaqstan, Pavlodar oblystarynyń kei jerlerinde tuman túsedi.
Kúndiz Atyraý, Mańǵystaý, Batys Qazaqstan oblystarynyń kei jerlerinde qatty ystyq bolady.
Qyzylorda, Túrkistan, Mańǵystaý, Atyraý, Jambyl, Aqtóbe, Batys Qazaqstan, Almaty oblystarynyń basym bóliginde, Qaraǵandy oblysynyń kei jerlerinde, Qostanai, Shyǵys Qazaqstan oblystarynyń ońtústiginde, Aqmola oblysynyń jekelegen aýdandarynda tótenshe órt qaýpi saqtalady.
