Senbide elimizde jel kúsheiedi, kei óńirlerde aspandy bult basyp, jańbyr-burshaq jaýýy múmkin, sondai-aq naizaǵai oinaidy, dep habarlaidy Qazgidromet.
4 qyrkúiekte elimizdiń batys, soltústik-batys óńirleri tsiklon yqpalynda bolaǵandyqtan jańbyr jaýady, naizaǵai jarqyldaidy. Elimizdiń qalǵan aýmaǵyna antitsiklon jotasy áser etedi, sondyqtan basym bóliginde aýa raiy ashyq bolady. Elimizde jel kúsheiip, ońtústikte shańdy daýyl soǵady, batysta burshaq jaýady, daýyl turýy yqtimal.
Batys Qazaqstan oblysynyń soltústiginde naizaǵai oinap, daýyl soǵady, burshaq jaýyp, batysta jel kúsheiýi múmkin, oblystyń ortalyǵynda, shyǵysynda jyldamdyǵy 15-20, ekpini 23 m/s kúsheiedi.
Aqtóbe oblysynda túnde basym bóliginde, kúndiz soltústiginde, soltústik-shyǵysynda naizaǵai oinap, túnde batysynda, soltústik-batysynda, kúndiz basym bóliginde 15-20, ekpini 23 m/s jel kúsheiedi.
Atyraý oblysynyń túnde soltústiginde jáne ortalyǵynda naizaǵai jarqyldaidy, jel 15-20 m/s kúsheiedi.
Mańǵystaý oblysynda túnde batysynda, soltústik-batysynda bulttap, naizaǵai oinaidy, túnde jeldiń ekpini 17-22, kúndiz soltústikte 15-20 m/s kúsheiedi.
Kúndiz Qyzylorda oblysynyń ortalyǵy men batysynda shańdy daýyl soǵýy múmkin, jel 15-20 m/s kúsheiedi.
Qostanai oblysynyń batysynda naizaǵai oinap, burshaq jaýady, túnde batysynda, kúndiz basym bóliginde jeldiń 15-20 m/s kúsheiedi, kúndiz ekpini 23-28 m/s jetýi yqtimal.
Jambyl oblysynyń soltústik-shyǵysynda, ońtústik-batysynda, Aqmola oblysynyń ońtústik-batysynda, soltústiginde, kúndiz Soltústik Qazaqstan oblysynyń soltústiginde, batysynda, Qaraǵandy oblysynyń batysynda 15-20 m/s jel kúsheiedi.
Túrkistan, Qyzylorda oblystarynyń basym bóliginde, Jambyl oblysynyń ońtústiginde jáne ońtústik-batysynda, Atyraý, Batys Qazaqstan oblystarynyń shyǵysynda, Aqtóbe oblysynyń ońtústiginde jáne ońtústik-shyǵysynda, Qostanai oblysynyń ońtústiginde, Qaraǵandy oblysynyń ońtústik-batysynda, Almaty oblysynyń ortalyǵy men ońtústiginde, Shyǵys Qazaqstan oblysynyń ońtústiginde, Aqmola oblysynyń ońtústik-batysynda, Pavlodar oblystarynyń ortalyǵynda tótenshe órt qaýpi saqtalady.
