Senat depýtattary Áli Bektaev pen Álimjan Qurtaev Túrkistan oblysyna jumys sapary barysynda Arys qalasynyń turǵyndarymen kezdesti, dep habarlaidy "Ult aqparat" Senattyń baspasóz qyzmetine sileme jasap.
Depýtattar ár turǵynǵa 100 myń teńgeden berý boiynsha jumys barysyn, qiraǵan úilerdi qalpyna keltirý jumystarymen tanysty. Sapar barysynda shahardaǵy jańa stadiondy qaita retke keltirý máselesi de kóterildi.
Depýtattar oblystaǵy aýyl sharýashylyǵy salasyn damytýǵa erekshe kóńil bóldi. Ordabasy men Túlkibas aýdandaryna barǵanda sýbsidiialaý, aýyl sharýashylyǵyna nesie bólý, mal ónimderiniń baǵasyn túsirý siiaqty mańyzdy máseleler qozǵaldy.
Sairam aýdanynyń turǵyndarymen ótken kezdesýde muǵalimder mártebesin kóterý, komýnaldyq tólemder quny, áleýmettik meditsinalyq saqtandyr týraly sóz boldy.
Sondai-aq, Parlament Senatynyń depýtaty Aigúl Qapbarova Shymkenttegi jumys sapary aiasynda ataýly áleýmettik kómek arqyly úiinen tigin tsehin ashyp, ony dóńgeletip otyrǵan Tillágúl Qarsybaevanyń shańyraǵynda boldy.
«Kúmis alqa» iegeri Tillágúl Tasbolatqyzy senatorǵa qalai shaǵyn kásipke kelgenin áńgimeledi. Memleketten berilgen qarajatqa tigin mashinalaryn satyp alyp, jumysyn bastaǵan.
Kezdesý barysynda A.Jarylqasynqyzy memlekettik qoldaý sharalarynyń aiasynda kóp balaly otbasylar jańa múmkindikterge ie bolatynyn aityp ótti.
Jalpy Shymkent qalasynda ataýly áleýmettik kómekti alýǵa 68 myń otbasy qujat tapsyryp, onyń 40 myńǵa jýyǵyna áleýmettik kómek taǵaiyndalǵan.
