© kollaj: Ásel Baltaqyzy
Senator Serik Shaidarov óńirlerge halyqtyń júieli túrde ketýine bailanysty ulttyq qaýipsizdikke qaýip tónip turǵanyn málimdedi, - dep habarlaidy Tengrinews.kz portaly.
Parlamenttik tyńdaýda senator halyqtyń kóshi-qon jaǵdaiy nashar óńirlerdi atady.
Serik Shaidarov 2010-2020 jyldar aralyǵynda kóshi-qon aǵyny esebinen halyq sanynyń ósýi búginde el halqynyń 36 paiyzy turatyn Aqtóbe oblysynda, Astana, Almaty jáne Shymkent qalalarynda baiqalǵanyn aitty.
Sonymen birge, onyń aitýynsha, halyqtyń júieli túrde ketýi Qaraǵandy, Qostanai, Pavlodar, Soltústik Qazaqstan jáne Shyǵys Qazaqstan oblystarynda oryn alyp jatyr.
"Munyń barlyǵy túptep kelgende, óńirler arasyndaǵy eleýli áleýmettik-ekonomikalyq alshaqtyqtarǵa ǵana emes, eldi mekenderdiń, ásirese shekaralas aimaqtardaǵy halyqtyń álsizdiginen ulttyq qaýipsizdikke qaterlerdiń týyndaýyna alyp keledi. Sondyqtan jumys oryndaryn qurý jáne mashina jasaý salasyn damytý qajet. Óńirlerdegi infraqurylym taiaý bolashaqta ortalyq jáne jergilikti bilik úshin basymdyqqa ainalýy tiis", - dep túiindedi sózin depýtat.
