Semei qalasynda oqýshylar 3 myń rýbik tekshesinen Abaidyń panno portretin jasap shyqty, dep habarlaidy "Ult aqparat".
10 tamyz – Abai kúnine orai semeilik oqýshylar uly aqynnyń panno portretin jasady. Ol úshin 3000 rýbik tekshesi qajet boldy. Buǵan deiin oqýshylar Saiasi qýǵyn-súrgin qurbandaryn eske alý kúninde Álihan Bókeihannyń portretin jasaǵan bolatyn.
«Hakimniń 176 jyldyǵyna orai balalarmen birigip, onyń panno portretin jasap shyqtyq. Oqýshylar bul portretti 6 saǵatta qurastyrdy. Muqiiat qarasańyz, panno pikselderden turady. Ony tolyq quraý úshin arnaiy baǵdarlama bar. Ol daiyn portretti kýbiktiń tústerine sáikes rettep qoiyp beredi. Panno portrettiń jalpy salmaǵy 450 kelini quraidy», - dedi «Qazaqstan spidkýbing federatsiiasy» qoǵamdyq birlestiginiń basshysy Arman Mashimov.
Aita keteiik, Abaidyń panno portreti Semeidegi mýzeige qoiylyp, tamyz aiynyń aiaǵyna deiin kelýshilerdiń nazaryna usynylady.
