Semeide iri kinoteatrlardyń biri - «Eńlik-Kebek» jabyldy, dep habarlaidy "Ult aqparat" qalalyq aqparat ortalyǵyna silteme jasap.
Mekemedegilerdiń aitýynsha, áleýmettik jelilerde «Eńlik-Kebek» kinoteatrynyń jabylyp, ǵimarat Ámire Qashaýbaev atyndaǵy oblystyq filarmoniiaǵa beriletini týraly aqparat paida boldy.
Mádeniet bóliminiń túsindirýinshe, ShQO mádeniet, muraǵattar jáne qujattama basqarmasy ieligindegi «Eńlik-Kebek» kinoteatry 2004 jyly «Mýnira» JShS-ne 15 jylǵa keiinnen satyp alý quqyǵynsyz senimgerlik basqarýǵa berilgen. Ótken jyldyń jeltoqsan aiynda senimgerlik basqarý shartynyń merzimi aiaqtaldy. JShS shartty uzartýǵa niet bildirmedi.
ShQO ákimdiginiń 2017 jyldyń 15 naýryzdaǵy №65 qaýlysyna sáikes, kinoteatrdy taratý týraly sheshim qabyldandy. Qazir QR Azamattyq kodeksiniń 50-babyna sáikes, kinoteatrdy taratý jumysy júrip jatyr.
«Eńlik-Kebek» ornalasqan ǵimarat oblystyq kommýnaldyq menshik ieliginde. Ázirge kinoteatr ǵimaratynyń kimge beriletini belgisiz. Ǵimarattyń saqtalýyna ýaqytsha filarmoniia jaýap beredi» dep tolyqtyrdy aqparat ortalyǵy ókilderi.
