Semei qalasynda 7 kólik soqtyǵysty, dep habarlaidy "Ult aqparat".
Qalalyq Politsiia basqarmasy baspasóz qyzmetiniń málimetine súiensek, jol-kólik oqiǵasy Turlyhanov kóshesinde bolǵan.
«Toyota» avtokóligin tizgindep kele jatqan er adam jyldamdyqty ruqsat etilgen shekten asyryp jiberip, týra sondai markaly basqa kólikke soqtyǵysty. Sondai-aq osynyń saldarynan VAZ, Lada, Foton, Mercedes, Toyota kólikteri jol apatyna ushyraǵan. Zardap shekken eshkim joq. Kólik ielerine materialdyq shyǵyn keltirildi», - dep habarlady vedomstvo ókilderi.
Qazirgi ýaqytta oqiǵanyń anyq-qanyǵy anyqtalyp jatyr.
