Semei qalasynda iz-túzsiz joǵalyp ketken jasóspirim izdestirilýde, dep habarlaidy QazAqparat.
ShQO Politsiia departamenti baspasóz qyzmetiniń málimetine súiensek, 6 qyrkúiek kúni úiinen kolledjdegi oqýyna shyǵyp ketken Symbat Sabyrov sol kúii qaityp oralmaǵan.
«102» jedel arnasyna qońyraý shalǵan azamat 17 jastaǵy aǵasynyń joǵalyp ketkendigin jetkizdi. Onyń aitýynsha, jasóspirim «Shyǵys» saiajai qaýymdastyǵyndaǵy úiden saǵat 13:00 shamasynda shyqqan. Qazirgi ýaqytta politsiia qyzmetkerleri jedel-izdestirý sharalaryn júrgizýde», - dep habarlady vedomstvo ókilderi.
Joǵalǵan kúni Symbat Sabyrov aq kóilek, qara shalbar men qara týfli kigen. Tártip saqshylary onyń qaida ekendiginen qandai da bir habary bar azamattardan «102» nemese 8-747-836-48-53, 8-778-124-89-19 nómirlerine habarlasýlaryn suraidy.
