Semei qalasynda jylyjaida marihýana ósirgen er adamnyń ústinen qylmystyq is qozǵaldy, dep habarlaidy "Ult aqparat".
ShQO Politsiia departamenti baspasóz qyzmetiniń málimetine súiensek, tártip saqshylaryna 34 jastaǵy qala turǵynynyń esirtki zattaryn saqtaityndyǵy týraly aqparat túsken. Politsiia qyzmetkerleri er adamnyń úiine baryp tekserý jumystaryn júrgizdi.
«Onyń úiiniń aýlasyndaǵy jylyjaidan erekshe iisi bar ósimdiktiń segiz butaǵy tárkilendi. Sonymen qatar teledidar astyndaǵy tartpadan jasyl tústi zat salynǵan polimer qapshyq tabylǵan. Saraptama nátijesinen anyqtalǵandai, bul jalpy salmaǵy 6,4 grammdy quraityn keptirilgen marihýana bolyp shyqty», - dep habarlady vedomstvo ókilderi.
Qazirgi ýaqytta atalǵan fakti boiynsha QR Qylmystyq Kodeksiniń 296-baby 2-bóligine sáikes sotqa deiingi tergeý amaldary júrgizilýde.
