Almatyda Tóle bi kóshesiniń Sairan kóline jaqyn mańdaǵy jol opyrylyp ketti. Kósheniń bir baǵytyn alǵan úlken shuńqyrdyń videosy búgin tańerteń Instagram Kris_p pabliginde jariialanǵan, dep habarlaidy QazAqparat tilshisi.
Búgin «Almaty jylý jelileri» JShS atalǵan beinekadrǵa qatysty túsinik berdi.
Olardyń aitýynsha, asfalt jylý trassasynyń silfony kompensatorynyń ústindegi asfalt plitasynyń qozǵalýynan opyrylyp ketken. Tótenshe jaǵdaidyń kesirinen Tóle bi kóshesiniń boiynda birneshe shaqyrymǵa sozylǵan keptelis paida boldy.
Almaty jylý jelileri bul olqylyqty 20 saǵat ishinde qalpyna keltirýge ýáde berdi.
Apatty «Ariia Jańa Astana» JShS kepildik mindetteme aiasynda qalpyna keltiredi. Bul kompaniia byltyr osy aimaqta jylý magistrali salynǵan soń rekonstrýktsiia jumystaryn atqarǵan.
Merdiger kompaniia kún jylyǵan soń jol jabyndysyn tolyq tóseidi.
Tekserý jumystarynyń qorytyndysyna sáikes qurylys uiymyna aiyppul salynady.
