Saýd Arabiiasynda ótken aýktsionda suńqardyń baǵasy boiynsha jańa álemdik rekord ornatyldy, dep habarlaidy QazAqparat Daily Mail-ge silteme jasap.
Saýd Arabiiasynda 14 eldiń jetekshi selektsionerleriniń qatysýymen ótken suńqar ósirýshilerdiń halyqaralyq aýktsionynda AQSh-tan ákelingen aq suńqar satyldy.
Jyrtqysh qus bir jasqa tolmaǵan, salmaǵy 700 gramm, al uzyndyǵy 40 santimetrden aspaidy. Bul janýar álemdegi eń jaqsy suńqar ósirýden tanymal bolǵan amerikandyq Northwest Falcons fermasynan ákelingen.
Aita ketken jón, Taiaý Shyǵysta suńqarmen ań aýlaýdyń uzaq tarihy bar: Parsy shyǵanaǵy aimaǵynda suńqarǵa ielik etý mártebeli simvol bolyp sanalady, al qustar kóbinese bai jáne yqpaldy adamdarǵa beriledi. Alaida bul somaǵa suńqar birinshi ret satyldy.
Tutastai alǵanda, Saýd Arabiiasynda 20 myńnan astam suńqar bar, qustar sonshalyqty qurmetke ie, sondyqtan 2017 jyldyń shildesinde ańshylar qaýymdastyǵyn qurý týraly Saýd Arabiiasy koroliniń jarlyǵy shyǵaryldy. Sondai-aq bul el suńqarlardy joiylyp ketýden qorǵaý úshin halyqaralyq konventsiialarǵa da kelisken.
