Dýjnov bul qylmysty essiz kúide jasady ma degen suraqqa advokat tergeý qupiiasyna siltep, jaýap bermedi. Sondai-aq, Hasanov almatylyq atqysh kinásin moiyndap-moiyndamaǵanyn da aitpady.
"Eger týystary basqa advokat jaldasa, bul isten birden bas tartamyn. Ony basqa advokat qorǵaidy. Eger týystary basqa advokat almasa, onda men Dýjnovtyń isin júrgizemin", - dedi advokat.
Esterińizge sala keteiik, oqiǵa 20 qyrkúiekte keshke bolǵan, shamamen saǵat 17.20 shamasynda Aqbulaq móltekaýdanyndaǵy úi iesiniń biri ańshy myltyǵynan oq atqan. Ol sot sheshimin oryndaýǵa kelgen adamdarǵa oq jaýdyrdy. Kýágerlerdiń aitýynsha, atys bir minýt ishinde bolǵan.
Oqiǵa saldarynan almatylyq oq atýshy bes adamdy óltirdi. Qaza bolǵandardyń arasynda eki politsiia qyzmetkeri, sot oryndaýshysy, sondai-aq úidiń jańa iesi men kýáger bar. Belgili bolǵandai, qaitys bolǵan sot oryndaýshysynyń bes balasy bar.
Keiin politseiler bes adamdy qarýsyz óltirgen kúdiktini ustady. Bul sátti kýágerler videoǵa túsirip alǵan. Ol - 1997 jyldan beri osy jerde turatyn 54 jastaǵy úidiń qazirgi iesi. Eger onyń kinási dáleldense, er adam 20 jylǵa nemese ómir boiyna bas bostandyǵynan aiyrylady.
Belgili bolǵandai, úige qatysty daý nesie tólemegendikten týyndaǵan. Úi bankke kepilge alynǵan. Keiin úi qarjy institýty menshigine ótti, odan keiin jeke adamǵa satyldy. Jeke sot oryndaýshylar palatasy boryshkerge úidi bosatý keregin 2020 jyldan beri birneshe ret habarlanǵanyn atap ótti.
21 qyrkúiek kúni tańerteń úidiń ainalasyndaǵy qorshaý ornynda boldy. Politsiia BAQ ókilderi men qyzyǵýshylyq tanytqan azamattarǵa oqiǵa ornyna jaqyndaýǵa ruqsat bermedi. Alaida túski ýaqytta quqyq qorǵaý organdarynyń ókilderi bul aýmaqtan ketti. Al birneshe minýttan keiin jýrnalisterdiń aldyna almatylyq atqyshtyń áieli Anaida Demirchian shyqty. Ol oqiǵa men oǵan deiingi jaǵdailar týraly tolyq aityp berdi.
Demirchian pikir bildirmesten 2 saǵat buryn politsiia brifing uiymdastyryp, barlyq suraqqa jaýap berdi. Quqyq qorǵaý organdarynyń málimdeýinshe, óltirilgen taǵy bir azamat bar, ol onyń dosy bolǵan. Sondai-aq, qaitys bolǵan politseilerdiń biriniń bes balasy bar ekeni belgili boldy. Atys faktisi boiynsha birden eki sotqa deiingi tergeý bastaldy: "Kisi óltirý" jáne "Memlekettik qyzmetkerge kúsh qoldaný".
