Sátbaev qalasyndaǵy jaǵdai turaqtandy. Oqiǵa ornyna Qaraǵandy oblysynyń ákimi Jeńis Qasymbek attandy, dep habarlaidy "Ult aqparat" oblys ákimdiginiń baspasóz qyzmetine silteme jasap.
Baspasóz qyzmetiniń málimdeýinshe, 23 shilde kúni saǵat 21.00-de Sátbaev qalasynyń politsiiasyna Jezqazǵan qalasynyń turǵyny habarlasyp, óziniń 5 jasar qyzynyń joǵalǵany týraly habarlady. Sátbaev qalasynyń politsiia bóliminiń jeke quramy men eriktiler qatysqan izdestirý is-sharalarynyń nátijesinde bala kópqabatty úidiń birindegi páterden tabylǵan.
«Qazir qyz bala aýrýhanada tekserilýde. Kúdikti ustaldy.
Ustalǵan azamattyń úiiniń janynda kúdiktini olardyń qolyna berýdi talap etetin bir top adamdardyń jinalǵan. Tártipsizdikterdiń jolyn kesý úshin quqyq qorǵaý organdarynyń kúsh-jigeri jumyldyrylǵan.
Qazirgi ýaqytta qaladaǵy jaǵdai turaqtandy, adamdar oqiǵa ornynan tarqasty», delingen habarlamada.
Qaraǵandy oblysynyń ákimi Jeńis Qasymbek Sátbaevqa jol tartty.
«Quqyq qorǵaý organdary osy jaǵdai boiynsha ádil jáne adal tergeý júrgizý úshin barlyq kúsh-jiger jumsalatynyn jetkizdi. Halyqtan arandatýshylyqqa jol bermeýdi suraimyz», delingen habarlamada.
