Búgin Premer-Ministrdiń orynbasary Eraly Toǵjanovtyń tóraǵalyǵymen Qazaqstan Respýblikasynyń aýmaǵynda koronavirýs infektsiiasy taralýynyń aldyn alý jónindegi vedomstvoaralyq komissiianyń otyrysy ótti, dep habarlaidy "Ult aqparat" primeminister.kz saityna silteme jasap.
Komissiia jumysyna ortalyq memlekettik organdardyń ókilderi, oblys ákimderi jáne «Atameken» UKP qyzmetkerleri qatysty.
"Densaýlyq saqtaý ministri Ajar Ǵiniiat óz sózinde elimizde maýsymnyń ortasynan bastap koronavirýs infektsiiasyn juqtyrǵandar sany artqanyn atap ótti. Máselen, ótken aptamen salystyrǵanda juqtyrý jaǵdailary 2,9 ese artqan, naýqastardyń 80 paiyzyna jýyǵy – indetke qarsy ekpe almaǵandar jáne sońǵy ekpeden keiin 6 ai ótip ketken adamdar", - delingen habarlamada.
Eldegi COVID-19 kórsetkishteriniń artýyn eskere otyryp, Qazaqstan aýmaǵynda koronavirýs infektsiiasynyń taralýyna jol bermeý jónindegi vedomstvoaralyq komissiia óńirler epidemiologiialyq qaýip-qaterdiń sary aimaǵyna kóshken jaǵdaida tómendegi qosymsha sharalardy qabyldaý kerek ekeni týraly sheshim qabyldady:
- naýqaspen tyǵyz qarym-qatynasta bolǵandardy qashyqtan jumys isteý formatyna kóshirý;
- COVID-19-ǵa qarsy ekpe saldyrýǵa bolmaityn qyzmetkerler men júkti áielderdi qashyqtan jumys isteý formatyna aýystyrý;
- jabyq jerler men qoǵamdyq kólikte mindetti túrde maska taǵý;
- 10-nan asa adam qatysatyn jinalystardy onlain formatta ótkizýdi usyný.
Sondai-aq, aimaqtyń epidemiologiialyq ahýalyna qaramastan, áýede, TJ kólikteri men halyqaralyq avtobýstarda maska taǵý usynylady.
Eraly Toǵjanov oblys ákimderine koronavirýs infektsiiasyna qarsy egý naýqanyn kúsheitýdi, syrqattanǵandar kóbeigen jaǵdaida kadrlarmen, dári-dármek qory jáne tósek-oryndarmen qamtamasyz etýdi erekshe baqylaýǵa alýdy tapsyrdy. Sondai-aq, halyq arasynda sapaly túsindirý jumystaryn kúsheitý qajet ekenin eskertti.
