Ekibastuzda bir adamdy óltirip, áieldi óltirýge oqtalǵan 28 jastaǵy turǵyn 16 jyl 6 aiǵa bas bostandyǵynan aiyryldy, dep habarlaidy ult.kz.
Is materialdaryna sáikes, qandy oqiǵa 2026 jylǵy 9 qańtarda birge ishimdik iship otyrǵan kezde bolǵan. Otyrys barysynda sottalýshy men áielderdiń biri arasynda janjal týyndap, sońy shabýylǵa ulasqan.
Sottyń málimetinshe, aldymen sottalýshy áielge dene jaraqatyn salǵan. Artynsha páterge qaita oralyp, uiyqtap jatqan er adamǵa pyshaqpen birneshe ret soqqy jasap, ony óltirgen. Keiin áielge taǵy shabýyl jasaǵanymen, jábirlenýshige der kezinde meditsinalyq kómek kórsetilgendikten, qylmystyq áreketin sońyna deiin jetkize almaǵan.
– Sottalýshy páterge qaita oralǵannan keiin jábirlenýshiniń birge turatyn azamaty ózinen kek alýy múmkin dep qaýiptenip, ony uiyqtap jatqan kezinde óltirýge sheshim qabyldaǵan, – dedi Pavlodar oblysynyń qylmystyq ister jónindegi mamandandyrylǵan aýdanaralyq sotynyń sýdiasy Nurlan Qaiyrbekov.
Sot áieldi kisi óltirý jáne adam óltirýge oqtalý baptary boiynsha kináli dep tanyp, qylmystar jiyntyǵymen 16 jyl 6 aiǵa bas bostandyǵynan aiyrdy.
Buǵan qosa, burynǵy úkim boiynsha ótelmegen jaza merziminiń bir bóligi qosylyp, túpkilikti jaza taǵy alty aiǵa uzartyldy.
Sot málimetinshe, sottalǵan áiel osyǵan deiin de sotty bolyp, ótken jyldyń jazynda shartty túrde merziminen buryn bosatylǵan.
