Foto: pexels.com
QR Ishki ister ministrligi Resei Federatsiiasy ulttyq ulanyna qarasty Saratov áskeri institýtynda oqyǵan kýrsanttyń qaitys bolǵanyn rastady, dep habarlaidy "Ult aqparat" Polisia.kz Telegram-arnasyna silteme jasap.
Resmi málimetke sáikes, 19 aqpanda RF Ulttyq ulany Saratov áskeri institýtynda QR Ulttyq ulany áskeri qyzmetshisi, 3 kýrs kýrsanty qaza tapqan.
"Ol 2020 jyly "Arystan" mamandandyrylǵan litseiin bitirgennen keiin irikteýden ótip, "Ulttyq qaýipsizdikti quqyqtyq qamtamasyz etý" mamandyǵy boiynsha oqý úshin Resei Federatsiiasy Ulttyq ulan áskerleriniń Áskeri institýtyna jiberilgen bolatyn", - delingen resmi habarlamada.
Qazaqstannyń Ulttyq ulan akademiiasynyń qolbasshylyǵy áskeri qyzmetshiniń qaza bolýyna bailanysty týystary men jaqyndaryna kóńil aitty.
Aita keteiik, Resei buqaralyq aqparat quraldarynda taraǵan málimetke sáikes, 19 jastaǵy kýrsant oqtan qaza tapqan. Keshki saǵat 18:00-de Kalashnikov avtomatyn alyp, kezekshilikke shyqqan. Biraq sap túzeýge kelmegen. Bir saǵattan keiin jas jigittiń denesi kiim keptiretin bólmeden tabylǵan. Qazirgi kezde tergeý sharalary bastaldy.
