kórneki sýret
Qazaqstandyq jastar jumysqa ornalasar kezde jas ereksheligine bailanysty kemsitýge tap bolyp júr. Bul týraly Eńbek resýrstaryn damytý ortalyǵy Strategiia jáne jobalyq basqarý departamentiniń direktory Aleksandra Molchanovskaia aitty, dep habarlaidy QazAqparat.
«Qazaqstanda jastar sany artyp keledi. Biraq sonymen birge olar belgili bir qiyndyqtarǵa tap bolýda. Jasyna bailanysty kemsitý, sapaly bilimniń bolmaýy siiaqty keergiler bar. Al pandemiia olardyń jaǵdaiyn qiyndata tústi. Dúniejúzilik banktiń baǵalaýy boiynsha, pandemiiadan zardap shekken stýdentterdiń tabysy 3% - ǵa qysqarýy múmkin. Saldarynan jyldyq ekonomikalyq shyǵyn 2 mlrd dollarǵa deiin jetýi múmkin», - dedi Aleksandra Molchanovskaia.
Onyń aitýnysha, keleshekte óńdeý ónerkásibinde, kólik, bank salasynda 85 millionnan astam jumys orny avtomattandyrylady.
«Biraq olardyń ornyna jańa mamandyqtar paida bolady. Al oǵan jaramdy bolý úshin adamdarǵa biliktiligin arttyryp, tehnologiia kóshinen qalmaý kerek», - dedi sarapshy.
Sondai-aq, onyń aitýynsha, elimizde 2,2 mln adamnyń onlain jumysqa kóshýine múmkindik bar.
«Árkim jeke sheshim qabyldap jatyr. Resmi statistika boiynsha, qashyqtan jumyspen qamtylǵandardyń sany ázirge az ǵana. Erekshe infraqurylymdy qajet etpeitin, kompiýter men telefon arqyly isteletin jumystardyń kóbi onlain rejimge yǵysýy múmkin. Al shashtaraz siiaqty adamnyń qolymen isteletin kásipterdi onlain rejimge jiberý múmkin emes. Ekonomister men zańgerler, memlekettik basqarý salasynyń mamandary men sarapshylar qashyqtan jumysqa aýysa alady. Búginde olardyń sany – 2,2 mln adam», - dedi Aleksandra Molchanovskaia.
