Nur-Sultan qalalyq taýarlar men qyzmetterdiń sapasy men qaýipsizdigin baqylaý departamentiniń basshysy Sadýaqas Baiǵabylov elordanyń radiatsiialyq jaǵdaiyna qatysty pikir bildirdi, dep habarlaidy QazAqparat.
«Resei Federatsiiasynyń Arhangelsk oblysyndaǵy áskeri poligondaǵy oqiǵadan (jarylys) keiin Nur-Sultan qalasynda radiatsiialyq fon artýynyń eshqandai qateri joq. Nur-Sultan qalalyq taýarlar men qyzmetterdiń sapasy men qaýipsizdigin baqylaý departamenti jyl boiǵy sanitarlyq-epidemiologiialyq monitoring aiasynda elorda aýmaǵyndaǵy radiatsiialyq ahýalǵa ai saiyn baqylaý júrgizedi», - dep atap ótedi S.Baiǵabylov.
Ólshem nátijelerine sáikes 20 tamyzda Nur-Sultan qalasyndaǵy radiatsiialyq ahýal turaqty dep baǵalanady jáne eshqandai da aýytqý joq. Qala aýmaǵyndaǵy gamma-sáýlelený mólsheriniń qýaty 0,06-0,16 mk Zv/saǵatty qurady. Máselen, adam kúndelikti ómirinde 0,22-0,30 mkZv/saǵat shegindegi tabiǵi gamma-fon áserinde bolady.
«Búgingi kúni elordada Arhangelsk oblysyndaǵy jarylystyń saldaryna qatysty alańdaýǵa eshqandai negiz joq. Dúrbeleń týǵyzyp, alańdaýǵa esh negiz joq. Jaǵdai departamenttiń baqylaýynda, radiatsiialyq ahýalǵa monitoring jalǵasyp jatyr», - dedi ol.
Eske salsaq, buǵan deiin Reseidegi jarylystan keiin el aýmaǵynda aýada radiatsiianyń artýy tirkelmegeni týrly buǵan deiin habarlaǵan bolatynbyz.
