Sanitarlyq-epidemiologiialyq saraptama zerthanalaryn jabdyqtaýǵa 4,7 mlrd teńge bólinedi. Bul týraly Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy QazAqparat.
«Qazaqstan Prezidenti biologiialyq qaýipsizdikti boljaýdyń ulttyq júiesin qurýdy jáne «Biologiialyq qaýipsizdik týraly» zańdy qabyldaýdy tapsyrdy. Atalǵan tapsyrmalardy júzege asyrý aiasynda «Qazaqstan Respýblikasynyń biologiialyq qaýipsizdigi týraly» jáne «Qazaqstan Respýblikasynyń keibir zańnamalyq aktilerine biologiialyq qaýipsizdik máseleleri boiynsha ózgertýler men tolyqtyrýlar engizý týraly» zań jobalary ázirlenip, 2021 jyldyń 29 maýsymynda Parlament Májilisiniń qaraýyna engizildi», - dedi ministr.
Sonymen qatar ol Memleket basshysy sanitarlyq-epidemiologiialyq saraptama zerthanalaryn halyqaralyq standarttarǵa sai joǵary tehnologiialy quraldarmen qamtamasyz etýdi tapsyrǵanyn eske saldy. Zerthanalyq quraldardy jańartý qajetti zertteýlerdiń barlyq spekoryn oryndaýǵa, test ótkizý ýaqytyn qysqartýǵa, múmkindik berip, kórsetiletin qyzmetterdiń sapasyn arttyrady.
«Bul maqsatty respýblikalyq biýdjet qarajatynan 4,7 mlrd teńge kóleminde qarjylandyrý kózdelgen», - dedi Aleksei Tsoi.
