Aqmola oblysynyń Sandyqtaý aýdanynda «Jańa gýmanitarlyq bilim. Qazaq tilindegi 100 jańa oqýlyq» jobasy sheńberinde qazaq tiline aýdarylǵan 30 oqýlyq pen oqý quraly tanystyryldy.
Óńirlik kommýnikatsiialar qyzmetiniń málimetinshe, alǵashqy aqparattyq - túsindirý jumystaryna «Rýhani jańǵyrý» óńirlik jobalyq keńsesi men Jastar resýrstyq ortalyǵynyń qyzmetkerleri qatysty.
Kókshetaýdan barǵan qonaqtardy Balkashindegi №1 orta mekteptiń 9-10 synyp oqýshylary qarsy aldy.
«Rýhani jańǵyrý» óńirlik jobalyq keńesesiniń basshysy Qairat Seitqazin men Jastar resýrstyq ortalyǵy aqparattyq- taldaý bóliminiń basshysy Gúlzat Bekbaýova joǵary synyp oqýshylaryna almysh kitaptardy úlestirdi.
Oqýlyqta filosofiia, sotsiologiia, psihologiia, ekonomika, til meńgerý, kásipkerlik, dintaný, antropologiia jýrnalistika salalary qamtylǵan.
«Joǵary oqý orny nemese arnaiy orta kolledjge oqýǵa túsip, bilimińdi odan ári shyńdaý qajet. Osy kezde, sizge ádebi kitaptar teńdesiz kómek kórsetedi», - dep atap ótti «Rýhani jańǵyrý» óńirlik jobalyq keńsesiniń basshysy Qairat Seitqazin.
Osyndai pikirdi Jastar resýrstyq ortalyǵy aqparattyq- taldaý bóliminiń basshysy Gúlzat Bekbaýova da aitty.
Jalpy, qyrkúiek aiynyń sońyna deiin aqparattyq-nasihat toby oblystyń barlyq aýdandarynda bolyp, osyndai kezdesýler ótkizbek.
