Qazaqstanda sanaqtan onlain ótkender 6 millionnan asty. Osylaisha búginde sanaqqa qatysqan halyq úlesi 31,8 paiyz boldy, - dep habarlaidy "Ult aqparat" Ulttyq statistika biýrosynyń baspasóz qyzmetine silteme jasap.
28 qyrkúiek saǵat 17:00-degi jaǵdai boiynsha, 6 044 448 respondent onlain sanaqtan ótken.
"Olardyń 5223509-y sanaq.gov.kz saitynda, 584586 adam Egov portalynda tirkelý arqyly jaýap berse, 236 353 adam sanaqqa Aitu qosymshasy arqyly qatysty", - delingen habarlamada.
Vedomstvo málimenishe, onlain sanaqtan ótkender sany boiynsha Túrkistan oblysy alda. Munda 799 457 turǵyn sanaqtan ótken. Onlain sanaqtan ótken taǵy 663522 adam Almaty oblysynda tirkelgen. Úzdik úshtikti Shyǵys Qazaqstan oblysy túiindedi. Munda 575409 adam sanaq saýaldaryna jaýap berdi.
Bul kórsetkish boiynsha ázirge sońǵy eki oryndy Mańǵystaý jáne Soltústik Qazaqstan oblystary enshilep tur. Bul óńirlerde sáikesinshe 168158 jáne 148428 adam sanaqtan ótken.
Al, jergilikti halyq sanyna shaqqandaǵy sanaqtan ótkenderdiń úlesi boiynsha Qyzylorda oblysy alda tur. Munda azamattardyń 47,6 paiyzy saýaldarǵa jaýap bergen (1 tamyzdaǵy jaǵdai boiynsha óńirde 823052 adam tirkelgen). Bul kórsetkish boiynsha Shyǵys Qazaqstan oblysy ekinshi orynda. Munda turǵyndardyń 42,3 paiyzy búginge deiin sanaqtan onlain rejimde ótken (1 tamyzdaǵy jaǵdai boiynsha óńirde 1361163 adam tirkelgen).
