Ulttyq sanaq kezinde uialy bailanys nashar jerlerde derekter ákimdikter janyndaǵy biryńǵai kólik ortasy arqyly tasymaldanady, dep habarlaidy QazAqparat.
Bul týraly Ulttyq statistika biýrosynyń basshysy Nurbolat Aidapkelov Úkimet otyrysynda aitty.
Áýeli biýro basshysy biylǵy sanaqqa pandmiaimen, vaktsinamen bailanysty suraqtar qsoylyp otyrǵanyn atap ótti.
«Halyq sanaǵyn ótkizý úshin 91 suraqtan turatyn sanaq paraqtary ázirlendi. Olar úi sharýashylyqtarynda turatyn adamdar sany týraly, turǵyn úi jaǵdailary týraly suraqtarǵa jaýap beredi. Úi sharýashylyǵynyń ár múshesi toltyratyn «Jeke» sanaq paraqtary jáne sheteldikter elde ýaqytsha júrgender úshin arnaiy sanaq paraqtary bar.
Sanaq paraqtaryna halyqtyń kóshi-qony, tirshilik qabiletin shekteý, pandemiianyń tabys deńgeiine áseri, koronavirýs infektsiiasymen syrqattanýshylyq jáne halyqty vaktsinalaý týraly jańa suraqtar engizildi. Jumyspen qamtý, til meńgerý, meken jaǵdaiy jáne bala týý týraly suraqtardyń qatary keńeitildi», - dedi Ulttyq staistika biýrosynyń basshysy.
Sondai-aq, ol halyq sanaǵyn júrgizý kezeńinde barlyq derekter birden shifrlanǵan, qorǵalǵan túrde ortalyq serverge jiberilip otyratynyn eske saldy.
«Uialy bailanys jelisi bolǵan jaǵdaida serverge tikelei planshet arqyly, uialy bailanys jelisi nashar jerlerde jergilikti ákimdikter qosylǵan memlekettik organdardyń biryńǵai kóliktik ortasy arqyly oflain rejimde júzege asyrylady. Budan basqa barlyq aýmaqtyq statistika organdary qosylǵan IP VPN arnaiy jelisi boiynsha derekterdi jóneltý múmkindigi bar. Sanaq júrgizý kezinde azamattardan alynatyn barlyq shifrlanǵan aqparat qorǵalǵan bailanys arnalary arqyly Ulttyq statistika biýrosynyń ortalyq serverine beriledi. Onlain sanaqtyń úzdiksiz jumysyn qamtamasyz etý sheńberinde rezervtik alań (QazCloud) uiymdastyrylǵan», - dedi Nurbolat Aidapkelov.
