Ortalyq kommýnikatsiialar qyzmetinde ótip jatqan bifingide Ulttyq statistika biýrosynyń basshysy Nurbolat Aidapkelov Halyq sanaǵynyń qorytyndysymen kimder egjei-tegjei tanysa alatynyn aitty, dep habarlaidy QazAqparat.
«Halyq sanaǵynyń qorytyndylary statistikalyq aqparat bolyp tabylady. Sondyqtan bul jaǵdai boiynsha arnaiy talaptar bar. Iaǵni, ǵylymmen ainalysatyn institýttardyń, ǵylymi zertteý júrgizetin azamattardyń sanaq bazasyna qol jetkizý múmkindigi bar. Biraq ol árbir jeke adam boiynsha emes, jalpylama túrde, «dedintifikatsiialanǵan» mazmunda beriledi», - dedi Ulttyq satitiska biýrosynyń basshysy.
Onyń aitýynsha sanaqty eń negizgi qorytyndylary biýronyń saityna satistikalyq derekter túrinde jariialanady.
«Birinshiden, biz sanaq qorytyndysy boiynsha bazany óńdegennen keiin ony arnaiy kesteler boiynsha internettegi saitymyzǵa salamyz. Biraq bazaǵa naqty talap boiynsha kirýge bolady. Basty talap – sanaq qorytyndysymen tanysqysy kelgen adam ǵylymmen ainalysatynyn dáleldeýi kerek. Sonymen birge IR-servis arqyly bizdiń júiege kirý múmkindigi bolýy kerek. Sol talaptardy saqtasa, deedintifikatsiialyq mazmundaǵy bazaǵa kirýine bolady», - dedi vedomstvo basshysy.
