Memleketke óz azamattarnyń qabyrǵasy qandai materialdan qalanǵan úide turyp jatqanyn bilý ne úshin qajet? Ortalyq kommýnikatsiialar qyzmetinde ótken brifingide Ulttyq statistika biýrosynyń basshysy Nurbolat Aidapkelovke osyndai saýal koiyldy, dep habarlaidy QazAqparat.
«Jalpyulttyq halyq sanaǵy kezinde azamattardyń úi-jaiy týraly alynatyn málimet ary qarai eldi mekenderdiń turǵyn úi qorynyń jaǵdaiyna saraptama jasaý úshin qajet bolady. Ras, sanaq anketasynda úidiń qabyrǵasy neden turǵyzylǵan degen siiaqty suraqtar bar. Jalpy, BUU jariialaǵan sanaq naýqanynyń resmi ataýy – «Halyq jáne turǵyn úi qory sanaǵy». Atalmysh sanaqtyń aiasynda naqty eldi-meken, aýdan, oblystyń, jalpy eldiń turǵyn úi qoryna ary qarai saraptama júrgizý úshin tolyqqandy aqparat alý kózdelip otyr», - dedi Ulttyq staitiska biýrosynyń basshysy.
Sondai-aq, ol osyndai suraqtardyń aldyńǵy halyq sanaqtarda da qoiylǵanyn eske saldy.
«2021 jylǵy halyq sanaǵynyń qorytyndysy «Turǵyn úi qorynyń statistikalyq tizilimi» aqparattyq júiesindegi málimetterdiń ózektiligi men durystyǵyn taldaýǵa múmkindik beredi. Sondai-aq, ákimshilik derekkózderde aqparattyń bolmaýy sebepti, turǵyn úidi jańǵyrtylatyn energiia kózderi esebinen jylytý boiynsha da suraqtar qosyldy», - dep túsindiripdi Nurbolat Aidapkelov.
