Olipiadada qazaqstandyq palýan Nurislam Sanaevtyń qatysýymen bolǵan beldesýden keiin kishigirim janjal týyndady. Qazaqstandyq palýan qarsylasyn tistep aldy.
Úndistandyq júnkúierler jelide taraǵan videony qyzý talqyǵa salyp, Sanaevty synǵa aldy. Al barlyq sport túri boiynsha halyqaralyq federatsiia osy máselege qatysty óz sheshimin shyǵardy, dep habarlaidy Sputnik agenttigi.
4 tamyzda Sanaev jartylai finalda úndistandyq palýan Kýmar Ravimen beldesken bolatyn. Jerlesimiz 9:1 esebimen utyp turyp, esesin jiberip aldy. Ravi ony ádiske túsirip, taza jeńiske jetý úshin ustap jatqan. Sol kezde qazaqstandyq palýan qarsylasyn qolynan tistep aldy.
Kúrestiń birlesken álemi - barlyq sport túri boiynsha halyqaralyq federatsiia osy oqiǵany qarastyryp, sheshim shyǵardy. Qaýlyǵa sáikes, qazaqstandyq sportshynyń qarsylasyn tistep alǵany rastaldy.
Alaida ol "ádeii jasalmaǵan reaktsiia" boldy. Sol sebepti eshqandai sanktsiia qolǵa alynbaidy. Nurislamnyń ózi jekpe-jekten keiin Ravidiń yńǵaisyz qarsylas ekenin ashyq aitty.
"Úndistandyq qarsylasymmen eki ret kezdesip, ekeýinde de ese jibergenmin. Ol óte myqty balýan. Men de bar kúshimdi saldym, biraq jeńiske sál jetpei qaldy. Qalai utylǵanymdy ózim de túsinbei qaldym. Úndi balýany men úshin óte yńǵaisyz qarsylastyń biri. Oń jambasyma kelmedi", - dedi Sanaev.
Sol jekpe-jekten keiin úndistandyq palýan tóreshilerge de shaǵymdanyp kórgen. Alaida ózi finalda reseilik Zaýr Ýgýevtyń qolynan tistep, qanatyp jiberdi. Biraq báribir utylyp qaldy.
Aita keteri, 2012 jyly London Olimpidasynda Qazaqstannyń erkin kúres sheberi Aqjúrek Tańatarov ta jartylai finalǵa shyǵyp, úndistandyq Sashil Kýmarmen beldesken. Sol kezde qarsylasy ony qulaqtan tistep, óz ádisin jasap ketti. Upaiǵa da ie boldy. Qazaq palýany qanap turǵan qulaǵyn tóreshige kórsetti. Biraq ol mán bergen joq.
London Olimpiadasynda Aqjúrek Tańatarov ta Sanaev siiaqty qola júldeger atandy.
