QR IIM Ákimshilik politsiia komiteti tóraǵasynyń orynbasary Serik Túsipov avtokólikti zańnama talaptaryna sai tirkeýge qoiýǵa keńes berdi, dep habarlaidy QazAqparat.
«Qazaqstan azamattary tarapynan shetelde, onyń ishinde EAEO elderinde tirkelgen kóliktirdi paidalanýy taqyrybyna toqtalsaq, olardy paidalaný tártibi Qazaqstan zańnamasynda aiqyndalǵan. Ishki ister ministrligi azamattar múddelerin qorǵaý úshin kez kelgen kólik quralyn satyp alý boiynsha sharttardy zańnamada belgilengen tártipte júrgizýge keńes beredi. Avtokólikti saqtandyrý qujaty boiynsha alý azamattar úshin tiisti táýekelderge alyp keledi. Eger atalǵan kólik izdeýde bolsa nemese ony paidalanýǵa tyiym salynsa, onda el azamattary bul avtomobilden jáne ony alýǵa jumsaǵan qarajatynan birjola aiyrylýy múmkin», - dedi Túsipov onlain brifingide.
Osy oraida ol kólik quralyn satyp alý men ony tirkeý zańnamada eskerilgen tártipte júrgizilýi kerek ekenin atap ótti.
«Bul óz kezeginde kúdik týdyratyn, iaǵni kriminaldy nemese paidalanýǵa jibirilmegen kólikterdi satyp alýdan saqtandyrady. Ekinshiden, azamattardyń satyp alǵan kóligine qatysty múliktik quqyǵyn qorǵaýǵa múmkindik beredi», - dedi vedomstvo ókili.
