Qaraǵandy oblysynda bir ýaqytta eki mereitoilyq oqiǵa atap ótilmek: Jańaarqa aýdanynyń 90 jyldyǵy jáne qazaqtyń aitýly aqyny jáne jazýshy Sáken Seifýllinniń 125 jyldyǵy, dep habarlaidy oblystyq ákimdiktiń baspasóz qyzmeti.
Mereke 14 qyrkúiekte ótedi. Saltanatty sharalardy Sáken Seifýllinge arnalǵan eskertkishtiń eteginde teatrlandyrylǵan kórinis ashady. Mereke Atasý kentinen úsh shaqyrym qashyqtyqta, Qaraýyl tóbe degen jerde jalǵasady. Baǵdarlamada ártisterdiń óner kórsetýleri, ulttyq oiyndar men jarystar, qazaqstandyq jáne sheteldik estrada juldyzdarynyń qatysýymen gala-kontsert qarastyrylǵan. Mereke sońynda otshashý atylady.
Jańaarqalyqtar mereke erekshe este saqtalyp qalýy úshin Ginnestiń rekordtar kitabyna ený týraly sheshim qabydaǵan. Aýdanda halyq sheberleri on myń litr qymyz daiyndamaq. Erler men áielder ulttyq kostiýmderde «Jańaarqa valsin» oryndaidy jáne bir mezgilde 1000 bóshkede 10 myń litr qymyz aralastyrady. Aspazdyq jetistikti tirkeý úshin Ulybritaniiadan sarapshylar keledi.
Sondai-aq, «Baýyrsaq» jáne «Palaý» festivalderi barysynda tegin dámnen aýyz tiiýge bolady.
Osy kúni Sáken Seifýllinniń «Jyr Suńqary» atty mánerlep oqý baiqaýynyń jeńimpazdary marapattalady.
