Pavlodardaǵy №46 túzeý mekemesine tyiym salynǵan zatty jetkizý áreketi áshkerelendi. Mekeme qyzmetkerleri 6679 áskeri bóliminiń áskeri qyzmetshilerimen birlesip, sálemdemeni tekserý kezinde uialy telefon tapqan, dep habarlaidy ult.kz.
Tekserý barysynda qara tústi batyrmaly telefon shai ónimderiniń arasyna jasyrylǵany anyqtaldy. Qurylǵy jumys istep turǵanymen, ishinde SIM-karta bolmaǵan.
Oqiǵaǵa bailanysty sálemdemeni jetkizgen áielge qatysty QR Ákimshilik quqyq buzýshylyq týraly kodeksiniń 481-baby boiynsha ákimshilik hattama toltyryldy. Qazirgi ýaqytta materialdar sotqa joldaýǵa daiyndalyp jatyr.
Qylmystyq-atqarý júiesi mamandary túzeý mekemelerine tyiym salynǵan zattardy jetkizýge jasalǵan kez kelgen áreket zań boiynsha jaýapkershilikke ákep soǵatynyn eskertti.
