Almaty qalasynyń ákimi Baqytjan Saǵyntaev kásipkerlerdiń V jyl saiynǵy konferentsiiasynda qalanyń erekshe mártebesi týraly aitty, dep habarlaidy QazAqparat.
«Biz keshe Memleket basshysynyń joldaýyn tyńdadyq. Almaty qalasynyń erekshe mártebesi týraly zańǵa jańa kózqaras qajet boldy. Bir kezderi zań qabyldandy. Ol astanany kóshirý kezinde deklarativti boldy. Men usynys jasadym, eger biz qalany damytqymyz kelse, onda bul zańdy ózgertý kerek. Bloktardy mazmunmen toltyrý kerek. Keshe men Parlament Májilisiniń spikerimen sóilestim, jaqyn arada ózgertýlerdi usynamyz. Sondyqtan men biznes-qaýymdastyǵyna júginemin: sizder biznes-dialog aiasynda atsalysýlaryńyz kerek. Zańǵa sáikes erekshe mártebemizdi alý úshin bizge qandai jaittardy qosý qajet. Memleket basshysy tapsyrma berdi, biz osyny paidalanyp, tez arada iske kirisýimiz kerek», - dedi Almaty qalasynyń ákimi Baqytjan Saǵyntaev
Is-sharaǵa «Atameken» UKP prezidiýmynyń tóraǵasy Timýr Qulybaev, Almaty qalasynyń ákimi Baqytjan Saǵyntaev, Biznes-qaýymdastyǵy men ulttyq kompaniialardyń ókilderi qatysýda.
