Almaty ákimi Baqytjan Saǵyntaev Kazakhstan Growth Forum 2019 Almaty City: Vision 2025 forýmynda qalany damytýdyń strategiialyq baǵyttary týraly áńgimeledi, dep habarlaidy QazAqparat.
Baqytjan Saǵyntaev Almatyny damytýdyń strategiialyq baǵyttary týraly aitty. Shahar basshysynyń aitýynsha, Almaty - eldiń basty qaqpasy ǵana emes, búkil Ortalyq Aziia aimaǵynyń ǵalamdyq integratsiiasynyń draiveri. Bolashaqta Jańa Jibek jolynyń isker jáne mádeni astanasyna ainalmaq. Sondyqtan, Almaty iri saýda-logistikalyq hab bolýǵa laiyq.
Básekege túsý úshin biz jetekshi qalalardyń joǵary standarttaryna nazar aýdarýymyz kerek, Almaty zamanaýi synaqtarǵa jaýap berip, órshil mindetterdi sheshýi tiis.
«Qalamyzdyń damý maqsattary men standarttary onyń ustanymyna - jahandyq integratorǵa (aimaqtyq hab), innovatsiialyq damýdyń draiverine baǵyttalǵan. Kez kelgen zamanaýi megapolis siiaqty, Almaty da ómir súrý úshin jaily, biznesti damytýǵa qolaily, kommýnikatsiia úshin yńǵaily bolýy kerek », - dep atap ótti Baqytjan Saǵyntaev.
Baqytjan Saǵyntaevtyń paiymdaýynsha, Almaty Regional Solutions - kásiporyndar, nysandar, oqiǵalar, qyzmetter, qalalyq imidj jáne mikroklimat - bul búkil Qazaqstan men Orta Aziia úshin usynystar men sheshimder qabyldaityn oryn. Bul - óz ónimderin búkil óńirge satatyn almatylyq óndirýshiler. Bul - Ortalyq Aziiada jumys isteitin halyqaralyq kompaniialar men bankterdiń bas keńseleri.
