Almaty ákimi Baqytjan Saǵyntaev qaladaǵy joǵary oqý oryndarynyń rektorlarymen keńes ótkizdi. Bul týraly shahar basshysy Facebook-tegi paraqshasynda jazdy, dep habarlaidy "Ult aqparat".
«Qalanyń joǵary oqý oryndarynyń rektorlarymen keńes ótkizdim. Áleýmettik-ekonomikalyq blok máselelerin qaradyq, olar: Elbasynyń «Bes áleýmettik bastamasy» aiasynda jataqhana salý; burynnan bar jataqhanalardyń sanitarlyq-epidemiologiialyq jaǵdailary, stýdenttik ortada qaýipsizdikti qamtamasyz etý», - dep jazdy ol.
Sondai-aq Almaty ákimi, stýdentterdiń áleýmettik-turmystyq jaǵdailary, joǵary oqý oryndary rektorlarynyń basty nazarynda bolýy tiis ekenin tilge tiek etti.
