Kanadanyń Netboxe.com basylymy 2019 jyldy qorytyndylady, dep habarlaidy "Ult aqparat".
Qazaqstan kásipqoi boks paraqshasynyń málimetinshe, Netboxe.com 21 jastaǵy qazaqstandyq boksshy, birinshi orta salmaqtaǵy BC Asia jáne WBC Youth World chempiony Sadriddin Ahmedovty jyl jańalyǵy dep tanyǵan.
«Qazaqstannyń birinshi orta salmaqtaǵy sportshysy Kanadada ózine artylǵan úmitti tolyq aqtady. 2016 jylǵy jasóspirimder arasyndaǵy álem chempiony Sadriddin Ahmedov 18 jasynda-aq jasyndai jarqyldap, áýesqoilar arasynda úzdik atandy.
2018 jyly Sadriddin kásipqoi boksqa aýysty. Bul kezde bozbala áýesqoi boksta 251 jekpe-jek ótkizip, onyń 241-inde jeńiske jetken bolatyn. Nurzat Sabyrov jáne Batyr Júkembaev sekildi qazaqstandyq boksshylarmen jumys istep úlgergen Kamil Estefannyń Eye of the Tiger Management atty kanadalyq kompaniiasy Ahmedovty qýana-qýana óz qamqorlyǵyna aldy.
Qazir Sadriddindi Mark Remsi jattyqtyryp júr. Joǵary tehnikany meńgergen Ahmedovtyń soqqysy óte kúshti. Remsidiń aitýynsha, onyń shákirti birneshe jylda álem chempiony atanady.
Sadriddin osy ýaqytqa deiin kásipqoi boksta ótkizgen 11 aiqastyń barlyǵynda jeńiske jetti. Qazaqstandyq sportshynyń dańq jolyndaǵy jetistikteri tańǵaldyrady», dep jazady basylym.
