Úndistannyń Ýttar Pradesh shtatynda sábidi koronavirýs qurmetine atady. Qyzǵa Korona esimi berildi, dep habarlaidy Dessan Herald.
Qyzdyń aǵasy Nitesh Tripatidiń aitýynsha, koronavirýs óte qaýipti, biraq adamdardyń bir jaǵadan bas, bir jeńnen qol shyǵarýyna jaǵdai jasaǵan. Salaýatty ómir saltyn ustanýǵa itermelegenin alǵa tartty. Ol qazirgi ýaqytta dúrbeleń týǵyzbai, dárigerlerdiń keńesine qulaq asý kerek ekenin aityp otyr.
"Sábi adamdardyń virýspen kúresiniń simvoly bolady", - dedi ol.
Korona bul óńirde komendanttyq saǵattyń engizilýine birer saǵat qalǵanda dúniege kelgen.
Eske sala ketsek, Qytaidaǵy jańa virýs týraly ótken jyldyń jeltoqsan aiynda belgili boldy. Dúniejúzilik densaýlyq saqtaý uiymy koronavirýsty pandemiia dep, oǵan COVID-19 resmi ataýyn berdi.
Sońǵy málimetke sáikes, Qazaqstanda 79 adam koronavirýs juqtyrǵan.
