Foto:elements.envato.com
Almaty prokýrorlary mektep oqýshylarynyń sabaq ústinde pornografiialyq sipattaǵy video kórip, synyptastaryn qorlaý deregine qatysty pikir bildirdi. Video 2022 jyldyń qańtarynda túsirilgen, - dep habarlaidy Tengrinews.kz saity.
Buǵan deiin áleýmettik jelilerde qaladaǵy oqý oryndarynyń birinde oqýshylardyń sabaqta porno kórgeni týraly video taraǵan bolatyn. Osyǵan bailanysty Almaty qalasynyń prokýratýrasy, jalpy bilim beretin mektep oqýshylarynyń tyiym salynǵan aqparattan qorǵalǵandyǵyna taldaý jasady.
"Mundai saittardy buǵattaý boiynsha organdardyń qabyldap jatqan sharalaryna qaramastan, is júzinde kún saiyn jańalary qurylyp jatyr. Osyny eskere otyryp, Almaty qalasynyń prokýratýrasy osyndai kontentke monitoring júrgizý jáne olardyń oqýshylar arasynda taralýyna jol bermeý jónindegi jumysty kúsheitip, qaita qaraýdy usyndy.
Prokýrorlyq qadaǵalaý aktisi boiynsha Bilim basqarmasy arnaiy buiryq qabyldady, ol boiynsha "Bilim berýdegi jańa tehnologiialardyń qalalyq ǵylymi ádistemelik ortalyǵy" KMM-ne monitoring júrgizý jáne "qara tizimdi" qalyptastyrý mindeti júkteldi. Anyqtalǵan tyiym salynǵan saittar School net korporativtik jelisine engiziledi. Bul oqýshylardyń jaǵymsyz kontentke qoljetimdiligin barynsha azaitýǵa múmkindik beredi", - delingen habarlamada.
Zań boiynsha memlekettik organdar, qaraýǵa tyiym salynǵan, pornografiia, qatygezdik jáne zorlyq-zombylyq taratatyn, adamnyń abyroiyn qorlaityn, balalarǵa ziiandy áser etetin jáne quqyq buzýshylyqtar jasaýǵa yqpal etetin kontentke balalardyń qol jetkizýine jol bermeýge baǵyttalǵan sharalardy qabyldaýy tiis ekeni aityldy.
