Almatydaǵy jankúierlerimen júzdesýdi josparlaǵan Elena Rybakina syrqattanýyna bailanysty kezdesýge bara almaityn boldy, dep habarlaidy Ulysmedia.kz.
Bul týraly Tennis federatsiiasynyń resmi ókili Pavel Tsybýlin málimdedi.
Ókinishke qarai, «Ýimbldon - 2022» týrniriniń jeńimpazy Elena Rybakinanyń qyzýy kóterilip, syrqattanyp qaldy. Sol sebepten ol Almatyǵa jankúierlermen kezdesýge bara almaidy. Bizdiń tennisist Almatyda jýrnalistermen jáne jas tennisshilermen kezdesýdi josparlaǵan bolatyn.
Elenaǵa tez saýyǵyp ketýin tileimiz! Sondai-aq Elenamen kezdesýdi asyǵa kútken jankúierlerden keshirim suraimyz, – dedi ol.
Aita ketsek, budan buryn Elena Rybakina Ýmbildondaǵy jeńisi úshin berilgen 2 mln fýnt sterlingti (shamamen 1,1 mlrd teńge) qalai jumsaitynyn aitqan.
Sondai-aq, tennisshi ózin «daiyn ónim» dep ataǵan reseilik tennisshi Evgenii Kafelnikovtyń sózine jaýap berdi.
