«Rýhani jańǵyrý» baǵdarlamasy aiasynda, elimizdegi «Rýhani jańǵyrý» qazaqstandyq qoǵamdyq damý institýtynyń qyzmetkerleri «Aýylyma kitap» qaiyrymdylyq aktsiiasyn uiymdastyryp jatyr. Bul joba aýyldardaǵy mektepter, kitaphanalar men mádeniet úileriniń kitap qoryn baiytý maqsatynda júzege asyrylyp jatsa, aýyldaǵy aǵaiyn tek alǵysyn jaýdyryp jatyr, - dep habarlaidy «Ult aqparat».
Búgin osy joba barysynda atalǵan institýt Aqmola oblysy Tselinograd aýdany Qabanbai aýylynyń Mádeniet úiiniń kitaphana qoryna 100-den astam kitap pen jýrnal tabystady.
«Aýyl – ár qazaqtyń túbi ekeni ras. Adam aýyldan kóshkenimen, aýyl adamnan kóshpeidi degen de ras. Qandai ádemi sóz iá? Búgin aýylymyzǵa júzdegen kitaptyń kelýi aýyldyń ǵana emes, urpaqtyń bolashaǵy dep bilemiz. Kitap úlken qazyna ǵoi. Bizdiń aýyldyń balalarynyń zeiini jaqsy, aýyl kitaphanasyn «kemirip» taýysqan deýge bolady. Al jańa kitaptardyń kelýi jastardy ǵana emes úlkenderdi de sheksiz qýanyshqa bóledi. Biz aýyl turǵyndary, osy oraida, «Rýhani jańǵyrý» qazaqstandyq qoǵamdyq damý institýtynyń qyzmetkerlerine alǵysymyzdy bildiremiz. Bul urpaq aldyndaǵy paryz bolyp otyr. Qazirgi zaman kúshpen emes, bilimmen alatyn ýaqyt. Balalarymyzdyń kóz qýanyshy bolǵan júzdegen kitapr júzdegen jyldarǵa jetsin dep tileimiz», - deidi aýyl turǵyny Albina Aqtóreqyzy.
Ózderińiz biletindei, barlyq daryndy tulǵalar aýyldan shyqqan. Aýyl balasynyń bilimi árqashan erekshe bolǵan. Daryndy da, talantty da, ónerdi de aýyl ishinen tabatynymyz sózsiz. Osy maqsatta, túrli jobalar júzege asyrylyp jatqany da ras. Osy oraida «Rýhani jańǵyrý» qazaqstandyq qoǵamdyq damý institýty «Rýhani jańǵyrý» jáne aimaqtyq jobalyq keńseleri de «Aýylyma kitap» aktsiiasyna belsendi at salysyp jatyr. Búgin biz álemdik úzdik kitaptardyń qazaq tiline aýdarylǵan nusqasyn Qabanbai aýylynyń jastary men balalaryna arnap tabystap jatyrmyz. Aýyldyq jerlerdegi kitaphana qorynyń sapasy qalalyq, respýblikalyq mektepterdegi qorlardan erekshelenedi. «Aýylyma kitap» aktsiiasy dál osy túiitkildi máseleni sheshýge baǵyttalǵan», degen «Rýhani jańǵyrý» QQDI Basqarma Tóraǵasynyń orynbasary Ásem Serikqazyqyzy.
Osylaisha, aýyl kitaphanasynyń qoryna 100-den astam ǵylymi, kórkem jáne pýblitsistikalyq, sondai-aq balalar ádebietine qatysty eńbek jetkizilse, jobany uiymdastyrýshylar men úilestirýshiler barlyq yntaly azamatty atalmysh aktsiiaǵa qatysýǵa shaqyrdy.
Aqmola oblysy Tselinograd aýdany Qabanbai aýylynyń Mádeniet úiiniń kitaphana qoryna jetkizilgen kitaptardyń ishinde «Rýhani jańǵyrý» baǵdarlamasynyń «Qazaq tilindegi gýmanitarlyq 100 jańa oqýlyq» jobasy aiasynda qazaq tiline aýdarylǵan álemdik ozyq ýniversitetterdiń gýmanitarlyq baǵyttaǵy oqýlyqtary men kitaptary da bar.
Uiymdastyrýshylardyń aitýynsha, is-sharanyń basty maqsaty – kitap oqý mádenietin ilgeriletý jáne aýyl mektepteriniń kitaphanalyq qoryn keńeitý jolymen jekelegen eldimekenderdegi óskeleń urpaqtyń joǵary azamattyq jáne rýhani-ónegelik baǵdaryn qalyptastyrý.
«Aktsiiaǵa qatysýǵa bastamashyl toptardy, kommertsiialyq uiymdardy jáne aýyl-aimaqtaǵy óskeleń urpaqty tárbieleýge bei-jai qarai almaityn barlyq adamdy shaqyramyz. Ol úshin óz qalańyzda ózińizge jaqyn «Rýhani jańǵyrý» jobalyq keńsesine kitapty jinap, jetkizip berseńiz bolǵany», – deidi «Azamattyq bastamalardy qoldaý ortalyǵy» KEAQ Basqarma tóraǵasy Lima Dias.
Aita keteiik, aýyldyq jerlerdegi kitaphana qoryn sapaly kitaptarmen tolyqtyrý maqsatynda Otbasy kúnine orai elimizde respýblikalyq deńgeidegi «Aýylyma kitap» qaiyrymdylyq aktsiiasy bastalǵan bolatyn. Bul aktsiia QR Aqparat jáne qoǵamdyq damý ministrliginiń qoldaýymen QQDI «Rýhani jańǵyrý» Otbasy institýtyn zertteý ortalyǵy jáne «Azamattyq bastamalardy qoldaý ortalyǵy» kommertsiialyq emes aktsionerlik qoǵamynyń áleýetimen júzege asyp jatyr. Uiymdastyrýshylardyń aitýynsha, «Kitap jinaý jáne tabystaý» sharalary respýblikalyq deńgeide barlyq eldi-mekende tamyzdyń 16 men qyrkúiektiń 20 aralyǵynda ótedi.
Esterińizge sala keteiik, «Rýhani jańǵyrý» baǵdarlamasy aiasynda, elimizdegi «Rýhani jańǵyrý» qazaqstandyq qoǵamdyq damý institýtynyń qyzmetkerleri «Aýylyma kitap» qaiyrymdylyq aktsiiasyn uiymdastyryp jatyr. Bul joba aýyldardaǵy mektepter, kitaphanalar men mádeniet úileriniń kitap qoryn baiytý maqsatynda júzege asyrylyp jatsa, aýyldaǵy aǵaiyn tek alǵysyn jaýdyryp jatyr. Búgin osy joba barysynda atalǵan institýt Aqmola oblysy Tselinograd aýdany Qabanbai aýylynyń Mádeniet úiiniń kitaphana qoryna 100-den astam kitap pen jýrnal tabystady.
