Búgin «Rýhani jańǵyrý» qazaqstandyq qoǵamdyq damý institýtynyń saraptamalyq dialog alańynda Azamattyq qoǵamdy damytý indeksi talqylandy. Atalǵan talqylaýda Qazaqstanda azamattyq qoǵamnyń damý indeksin ólsheý boiynsha qazirgi zamanǵy ádistemeni ázirleý úshin naqty quraldar men tásildemelerdiń tutas keshenin qurý máseleleri sóz boldy, - dep habarlaidy «Ult aqparat».
Atalǵan jiynda sóz alǵan QR AQDM Azamattyq qoǵam isteri jónindegi komitet tóraǵasy Madiiar Qojahmetov azamattyq qoǵam damýynyń qai kezeńde turǵanyn anyqtap alýdyń mańyzdylyǵyna toqtaldy.
«Biyl biz Táýelsizdigimizdiń 30 jyldyǵyn atap ótemiz. Azamattyq qoǵamdy damytý kún tártibiniń ózekti máseleleriniń biri. Osy oraida dál qazir azamattyq qoǵam damýynyń qai kezeńde turǵanyn anyqtap alýymyz mańyzdy. Úkimettik emes uiymdardyń qandai problemalary baryn saraptap alǵanymyz jón. Ótkenge kóz júgirtsek, egemendigimizdiń alǵashqy jyldary elimizde bar-joǵy 10-20 ǵana ÚEU bolǵan, al qazir elde 17 myńdai belsendi ÚEU bar. Al tirkelgenderiniń sany 22 myńnan asady. Bul turǵyda eldegi azamattyq qoǵamdardyń damý indeksin zerttep, saralap, soǵan sáikes ári qarai jumystar júrgizýimiz kerek. Bul jumystar memlekettik mekemeler úshin ǵana emes, ÚEU damýy úshin de mańyzdy», - dedi QR AQDM Azamattyq qoǵam isteri jónindegi komitet tóraǵasy Madiiar Qojahmetov.
Dialogtyq alań barysynda pikirlerin «Desenta» QB bas direktory Sergei Gýliaev «Azamattyq qoǵamnyń damý indeksi: zertteýdiń negizdemesi, nátijelerdi praktikalyq qoldaný» taqyrybyndaǵy baiandamasyn tanystyrsa, adam quqyqtary men zańdylyqty saqtaý jónindegi qazaqstandyq halyqaralyq biýronyń direktory Evgenii Jovtis azamattyq qoǵamdy basqarý institýttary týraly sóz etti.
«Azamattyq qoǵam-bul institýttar emes, jalpy qorshaǵan orta. Bul ortany institýttar arqyly da, onyń damý sharttary arqyly da baǵalaýǵa bolady. Birlestikter, uiymdar, jalpy qoǵamǵa bei-jai qaramai, óz pikirin bildirip júrgen barlyq topty azamattyq qoǵam dep túsiný kerek. Bul óte kúrdeli, únemi jańaryp otyratyn protsess», - dedi adam quqyqtary men zańdylyqty saqtaý jónindegi qazaqstandyq halyqaralyq biýronyń direktory Evgenii Jovtis.
Sonymen qatar, «Kameda» qoǵamdyq qorynyń basshysy Mahabbat Espenova «Taldamaly baiandama ǵylymi-ádistemelik kózqaras turǵysynan azamattyq qoǵam institýttaryn damytýǵa memlekettiń múddeli ekendigin kórsetedi. Maǵan bul baiandamada Qazaqstanda azamattyq qoǵam damýynyń retrospektivalaryn kórsetilgeni unady. Shyny kerek, osy salada zertteýler jetispei júrgen edi» dedi.
Dialog alańy jumysynyń qorytyndysy boiynsha azamattyq qoǵamnyń damý indeksin ólsheý ádistemesin jaqsartý boiynsha sarapshylardyń usynystary taǵy bir pysyqtalady.
«Usynylǵan taldamalyq baiandama azamattyq qoǵamnyń damý aspektilerin jan-jaqty qamtidy. Dialog alańynyń qorytyndysy azamattyq sektordy damytý boiynsha Ortalyq jáne jergilikti memlekettik organdarǵa, Úkimettik emes uiymdardyń ókilderine usynymdar retinde jiberiledi. Usynystar bizdiń jumysymyzda da eskeriledi. Iaǵni, biz dialogty aldaǵy ýaqytta da jalǵastyryp qana qoimai, odan ári keńeitýdi usynamyz», - dep qorytyndylady QQDI Basqarma Tóraǵasynyń orynbasary Ásem Kaidarova.
Aita keteiik, buǵan deiin, ótken jyly tamyz aiynda Memleket basshysynyń Jarlyǵymen Qazaqstan Respýblikasynda azamattyq qoǵamdy damytýdyń 2030 jylǵa deiingi tujyrymdamasy bekitilgen bolatyn. Bul tujyrymdamada azamattyq qoǵam men onyń institýttaryn damytý úshin jaǵdailar jasaý, azamattardy memleket pen qoǵamnyń negizgi mindetterin talqylaýǵa tartý týraly máseleler kóterildi.
Dialog alańy barysynda QQDI Basqarma Tóraǵasynyń orynbasary Ásem Kaidarova Institýt sarapshylary azamattyq qoǵamdy damytý indeksi boiynsha ádistemelik qural ázirlep jatqanyn aitty.
«Qazirgi ýaqytta indeks kórsetkishteri Qazaqstanda azamattyq uiymdar áleýetteriniń zor ekendigine qaramastan múmkindikterin tolyǵymen júzege asyrmaidy», - dep atap ótti QQDI sarapshysy.
Buǵan deiin atalǵan taqyryp boiynsha zertteýlerdi halyqaralyq jáne otandyq uiymdar (USAID, Eýropalyq Odaqtyń DCI, «Transparensi Qazaqstan» qoǵamdyq qory, «Desenta» QB) júrgizgen.
Esterińizge sala keteiik, búgin «Rýhani jańǵyrý» qazaqstandyq qoǵamdyq damý institýtynyń saraptamalyq dialog alańynda Azamattyq qoǵamdy damytý indeksi talqylandy. Atalǵan talqylaýda Qazaqstanda azamattyq qoǵamnyń damý indeksin ólsheý boiynsha qazirgi zamanǵy ádistemeni ázirleý úshin naqty quraldar men tásildemelerdiń tutas keshenin qurý máseleleri sóz boldy. Atalǵan jiynda sóz alǵan QR AQDM Azamattyq qoǵam isteri jónindegi komitet tóraǵasy Madiiar Qojahmetov azamattyq qoǵam damýynyń qai kezeńde turǵanyn anyqtap alýdyń mańyzdylyǵyna toqtaldy.
