Vatikan memlekettik hatshysy kardinal Petro Parolin Rim papasy Frantsisktiń atynan Almatydaǵy ushaq apatyna bailanysty kóńil aitý jedelhatyn joldady, dep habarlaidy "Ult aqparat" Vatican News gazetine silteme jasap.
«Jaqynda Almatyda bolǵan ushaq apaty týraly bilgennen keiin, Qasietti Papa Frantsisk osy qaiǵyly jaǵdaidyń saldarynan zardap shekkenderdiń barlyǵyna kóńil aitady», - delingen basylymda shyqqan jedelhatta.
«Ol qaza bolǵandardyń rýhtarynyń máńgilik tynyshtyq tabýy jáne zardap shekkenderdiń jazylyp ketýi úshin duǵa etedi. Asa Qasietti Papa Qudireti kúshti Qudaidan barlyq adamdar úshin, ásirese qutqarý, qalpyna keltirý jumystaryna qatysatyn adamdarǵa kúsh-qýat berýdi jáne beibitshilik syilaýdy suraidy», - dep jazǵan jedelhatta.
