Shyǵys Qazaqstan oblysynyń Ridder qalasynda er adam kámeletke tolmaǵan qyzyn birneshe jyl boiy zorlady degen kúdikke ilinip, ustaldy, dep habarlaidy ult.kz.
Bul týraly Halyqstan Telegram arnasy málimdedi. Resmi emes aqparatqa sáikes, qyz alty jasynan bastap ákesiniń jynystyq sipattaǵy zorlyq-zombylyǵyna ushyraǵan. Qazir jábirlenýshiniń jasy 13-14 shamasynda.
Er adam shilde aiynyń basynda politsiia qyzmetkerlerimen ustalǵan. Quqyq qorǵaý organdary ony jumys ornynan alyp ketken.
Shyǵys Qazaqstan oblysy politsiia departamentiniń málimetinshe, Ridder qalalyq politsiia bóliminde Qazaqstan Respýblikasy Qylmystyq kodeksiniń 120-baby 4-bóligi boiynsha sotqa deiingi tergeý júrgizilip jatyr. Atalǵan bap kámeletke tolmaǵan adamdy zorlaýǵa qatysty.
Is aiasynda sot saraptamalary taǵaiyndalyp, qajetti tergeý áreketteri júrgizilýde.
Tergeý múddesine sáikes, ózge aqparat jariialanbaidy.
