Shyǵys Qazaqstan oblysynyń Ridder qalasynda qaiǵyly oqiǵa boldy. 13 jastaǵy qyz sporttyq motokólikpen júrip kele jatyp, atty bailaǵan arqanǵa soǵylyp, qaza tapty. 15 jastaǵy jolaýshy meditsinalyq mekemege jetkizildi, dep habarlaidy ult.kz.
Oblystyq politsiia departamentiniń málimetinshe, oqiǵa 23 tamyzda turǵyn úi mańynda bolǵan.
Politsiianyń aldyn ala málimetinshe, motokólikti basqarǵan jasóspirim atty bailap qoiǵan arqanǵa soǵylyp, aýyr jaraqat alǵan. Ol oqiǵa ornynda kóz jumǵan. Kólikte bolǵan 15 jastaǵy jolaýshy dárigerlerdiń kómegine júgindi.
Kámeletke tolmaǵan qyzdyń qaza bolýyna bailanysty Ridder qalasynyń politsiia bólimi qylmystyq is qozǵady.
Qazirgi ýaqytta oqiǵanyń barlyq mán-jaiy anyqtalyp jatyr. Qajetti tergeý áreketteri júrgizilýde. Attyń iesi anyqtalyp, politsiia bólimine jetkizildi.
